Ашу
Басты бет Барлық жаңалықтар Әр теңге тиімді жұмсалуы керек

Әр теңге тиімді жұмсалуы керек

10.03.2022
148

Өткен апта соңында облыстық қоғамдық кеңес Ербол Ғұмаровтың төрағалығымен екінші шақырылымының соңғы
отырысын өткізді. Оған облыс əкімінің орынбасары Т.Каюпов, қоғамдық кеңес мүшелері, облыстық басқарма
басшылары жəне бұқаралық ақпарат құралдарының өкілдері қатысты.
Аталмыш кеңестің күн тəртібіне негізінен екі мəселе шығарылып, қызу талқыға түсті. Оның біріншісі – облыстық мəслихаттың
2021 жылғы 15 желтоқсандағы №8-1 «2022-2024 жылдарға арналған облыстық бюджет туралы» хабарлама жасаған облыстық
экономика жəне бюджеттік жоспарлау басқармасы басшысының міндетін атқарушы Нұрия Ғайтпаева (суретте) əр цифрдың
көтерген жүгін, мақсат-міндеттерін, сол арқылы атқарылуы тиіс кейбір жұмыстарды егжей-тегжейлі баяндап берді. Ал енді екінші
мəселе – «2022 жылы облыстың денсаулық сақтау саласын жаңғыртуға, көрсетілетін медициналық қызметтердің сапасы мен
қолжетімділігін арттыруға бағытталған іс-шаралар» бойынша облыстық денсаулық сақтау басқармасының басшысы Арман
Қалибеков біраз мəліметті жеткізді.
Иə, қоғамдық кеңестер – мемлекет қабылдайтын шешімдердің жариялы, ашық болуын қамтамасыз ететін консультативтіккеңесші, бақылаушы құрылым. Қазіргі уақытта əкімдіктер мен мəслихаттар өз шешімдерін қоғамдық кеңестермен кеңесіп,
талдап-таразылап барып қабылдау керектігі арнайы заңмен бекітілген. Сол себепті кеңес өзінің құзыреті шегінде өңірдегі өзекті
жайлардың барлығына дерлік араласып, ортақ ұстанымын білдіріп келеді. Талқылауға шығарылған бұл күнгі екі мəселеге
қатысты да қоғам мүшелері тарапынан біраз ұсыныс-пікірлер мен сын-ескертпелер болды. Оның ішінде Жаңақала ауданында су
тапшылығы түйткілдерін түпкілікті шешуге жəне қыруар қаржы жұмсалса да, бірі істеп, бірі оның жанында тек «күзетші» міндетін
атқарып тұрған Мəстексайдағы қос су қондырғысына қатысты өз уəжін білдірген Əлихан Досмұқанбетов те бар. Ол Ұялы
аумағынан (Бөкей ордасы ауданы) Казталов ауданының кейбір ауылдық округтеріне су тарту бағытындағы жоба-жоспарға да
алаңдаушылық білдіріп, азық-түлік бағасын реттеуде тұрақтандыру қорларының жұмысын жетілдіру қажеттігін алға тартты.
Жалпы, бюджет төңірегінде сұрақ-жауап аз болған жоқ. Кеңесте кейбір аудандардан түсетін сұраныстар, яғни құжаттар «шикі»
келіп, түсінбестік тудыратыны да тілге тиек етілді. Бұл қатарда алдымен аты ауызға алынған Шыңғырлау ауданы болды.


«Бірінші байлық – денсаулық». Өңір тұрғындары үшін мəн-маңызы ерекше бұл саланың да өзіндік түйткілдері жетіп-артылады.
Басқарма басшысы Арман Талғатұлы өз кезегінде былтыр қараша айында 32 медициналық ұйымға тəуелсіз аудит жүргізіліп,
сол бойынша көрсетілетін қызмет сапасын арттыруға бағытталған арнайы «Жол картасы» əзірленгендігін айтты. Онда негізінен
2025 жылға дейінгі басым бағыттар сараланып, қолда бар медициналық құрал-жабдықтар мен кадр мəселесіне ерекше назар
аударылған көрінеді. А. Қалибеков атап өткендей, денсаулық сақтау жүйесін заман ағымына қарай жаңғыртып отыруға жыл
сайын орта есеппен 3-4 млрд теңге қаржы шығындалады екен. Бұл аз дүние емес. Бір жағымды жаңалық, біраздан бері түйіні
тарқамай келе жатқан облыстық кардиоорталық ғимаратын кеңейту ісі биыл жүзеге асырылмақшы. Мұны бас дəрігердің өз
аузынан естідік. Қоғамдық кеңес мүшелері соңғы жылдары өмірімізге дендеп енген жұқпалы дерт – КВИ-мен ауырып, емделіп
шыққан жерлесте-ріміз үшін арнайы сауықтыру орындары жасақталса деген ұсынысты да ортаға тастады. Бұл да көптің қамы,
ел-жұрттың көкейінде жүрген ортақ ой. Сонымен бірге алдағы кезде соңғы үлгідегі заманауи медициналық құрал-жабдықтарды
сатып алумен қатар, оның «тілін» терең түсінетін білікті мамандар даярлау қажеттігі де назардан тыс қалмады. Несін
жасырамыз, əке жолын қуған Арман Талғатұлы өзіне жүктелген ауыр да абыройлы міндетті мінсіз атқаруға бекем бел буғаны
аңғарылады. Алдағы ой-жоспарларының бірқатарын кеңес мінбесінен санамалап айтып та берді. Бəріне уақыт төреші.
Айта кетелік, қос сала басшысын тыңдаған облыс əкімінің орынбасары Тілепберген Ерсайұлы алдымен мемлекеттік қызметте
жүрген əр адам өз деңгейін білуі керектігіне тоқталып, кейбір мəселелерді əлі де пысықтай түсу қажеттігін жасырмады. Мұндай
талқылаудың мақсаты да əр тиынның тиімді жұмсалуын қатаң қадағалап, халыққа пайдалы іске бұру екендігін түсіндірді. Өз
белсенділіктерімен көрінген қоғам мүшелеріне ризашылығын білдіруді де ұмыт қалдырмады.


– Қоғамдық кеңестермен берік байланыс орнатуға бірінші кезекте мемлекеттік құрылымдардың өздері мүдделі болуы керектігін
облыстық басылымға берген сұхбатымда айтқан едім. Ал қай қоғамда да түрлі көзқарас, алуан пікір орын алуы қалыпты
құбылыс. Ашық алаңнан ақиқат туындайды. Біз бүгін екінші құрылымның соңғы отырысын өткізудеміз. Кейінде қалған үш жылда
біраз мəселеге үн қосып, түрлі мемлекеттік құрылымдардың құлағына жеткіздік. Олардың ішінде өз шешімін тапқандар да,
тартпада жабулы жатқандар да бар.
Ендігі айтпағым, үшінші құрылымда кейбір əріптестеріміз бұл қатарда болмасы белгілі. Сондықтан аталған мерзімде қоянқолтық араласып, бірге жүрген үлкен-кішіге айтар алғысымыз шексіз. Алда да байланысымыз үзілмей, хабар алысып тұрайық, –
деп жиынды қорытты қоғамдық кеңес төрағасы Ербол Ғұмарұлы. Одан əрі бірқатар қоғамдық кеңес мүшелеріне өңір
басшысының алғысхаты табысталды.

Бауыржан Махутұлы,
zhaikpress.kz

09.05.23

Қадірлі батысқазақстандықтар!

Баршаңызды өзімнің және облыстық қоғамдық кеңес мүшелерінің атынан Жеңістің 78 жылдығымен құттықтаймын! Отан үшін от кешкен қаһарман ұрпақтың қайсарлығы мен…
07.05.23

Құрметті батысқазақстандықтар!

Сіздерді Отан қорғаушы күні мерекесімен құттықтаймыз! Қарулы Күштердің қуаты, әскеріміздің әлеуеті арта берсін! Ақылды да білімді, білекті де жүректі Отан…
01.05.23

Қадірлі батысқазақстандықтар!

Баршаңызды Қазақстан халқының бірлігі күні мерекесімен құттықтаймыз! Бұл мейрам – достықты дәріптеп, ауызбіршілікті арттыратын, бірлігімізді бекемдеп, ерік-жігерімізді еселейтін ерекше күн….
21.04.23

Қадірлі жерлестер!

Күллі мұсылман қауымы үшін ұлық мерекенің бірі – Ораза айт құтты болсын! Қасиетті Рамазан айындағы барлық дұға-тілек қабыл болғай! Еліміз…
10.04.23

БҚО қоғамдық кеңесінің төралқа отырысында 3 мәселе қаралды.

Жиынға облыстық қоғамдық кеңестің төрағасы Ербол Салықов төрағалық етті. Алдымен облыстық мәслихат аппаратының басшысы Әділ Жоламанов мекеменің «Б» корпусы мемлекеттік…
10.04.23

БҚО қоғамдық кеңесінің мүшесі Біржан Кухаевтың облыстық «Орал өңірі» қоғамдық-саяси газетінде жарияланған пікірі.

БҚО қоғамдық кеңесінің мүшесі Біржан Кухаевтың облыстық «Орал өңірі» қоғамдық-саяси газетінде жарияланған пікірі. #БҚОқоғамдықкеңесі #президентсөзі
05.04.23

БҚО қоғамдық кеңесінің отырысында биылғы бюджетті нақтылау мәселесі қаралды.

БҚО қоғамдық кеңесінің отырысында биылғы бюджетті нақтылау мәселесі қаралды.
24.03.23

БҚО қоғамдық кеңесінің жанындағы аумақтық даму жəне бюджет мəселелері бойынша комиссияның отырысында 2025 жылға дейінгі облыстық бюджет туралы шешімге өзгерістер енгізу мəселесі қаралды.

БҚО қоғамдық кеңесінің жанындағы аумақтық даму жəне бюджет мəселелері бойынша комиссияның отырысында 2025 жылға дейінгі облыстық бюджет туралы шешімге өзгерістер…
21.03.23

ҚАДІРЛІ БАТЫСҚАЗАҚСТАНДЫҚТАР!

Баршаңызды Ұлыстың ұлы күні – əз Наурызбен құттықтаймыз! Наурыз – жаңа күн, жыл басы. Бұл – ескі жылды ой елегінен…
22.02.23

БҚО қоғамдық кеңесінің төралқа мүшесі Айгүл Есекенованың төрағалығымен консультативтік-кеңесші, байқаушы құрылымның төралқа отырысы өткізілді.

Онда 3 мəселе қаралды. Алдымен «Діни әдебиетті жəне діни мазмұндағы өзге де ақпараттық материалдарды, діни мақсаттағы заттарды тарату үшін арнайы…
17.02.23

БҚО қоғамдық кеңесінің төрағасы Ербол Салықов түрлі салада еңбек етіп жатқан белсенді жастармен жүздесті.

Іс-шараны облыстық қоғамдық кеңестегі жастар мəселелері жəне қоғамдық мониторинг жөніндегі тұрақты комиссияның төрағасы Біржан Кухаев ашып, жүргізді. Алдымен жиналғандарға облыстық…
01.02.23

Облыстық қоғамдық кеңес отырысының күн тəртібінде 6 мəселе қаралды.

Соның ішінде облыстық қоғамдық кеңестің мемлекеттік сатып алу аясындағы құрылыс-жөндеу жұмыстарының сапасына жүргізген мониторингінің қорытындысы туралы баяндамалар тыңдалып, мəселе жан-жақты…
01.02.23

Аймақтағы барлық деңгейдегі қоғамдық кеңестер өз қызметін дербес жүзеге асырғанымен, өңірдегі өзекті мəселелерді шешу жолында өзара тəжірибе алмасып, байланыс орнатып отырамыз.

Аймақтағы барлық деңгейдегі қоғамдық кеңестер өз қызметін дербес жүзеге асырғанымен, өңірдегі өзекті мəселелерді шешу жолында өзара тəжірибе алмасып, байланыс орнатып…
01.02.23

Облыстық қоғамдық кеңестің былтырғы жұмысы қорытындыланған отырысына аймақ басшысы Нариман Төреғалиев қатысты.

Облыстық қоғамдық кеңестің былтырғы жұмысы қорытындыланған отырысына аймақ басшысы Нариман Төреғалиев қатысты. Жиында өңірдегі өзекті мəселелер көтеріліп, облыс əкіміне бірқатар…
21.01.23

Батыс Қазақстан облысының қоғамдық кеңесінің мүшесі, саясаттанушы Хайдар Қисметұлы Қапанов облыстық «AQJAIYQ» телеарнасының «Дорога жизни» хабарында қонақта болды.

Батыс Қазақстан облысының қоғамдық кеңесінің мүшесі, саясаттанушы Хайдар Қисметұлы Қапанов облыстық «AQJAIYQ» телеарнасының «Дорога жизни» хабарында қонақта болды.
13.01.23

Өкінішке қарай, өңірде құрылысы тұралаған нысандар мен күрделі жөндеу жұмыстары жоспардан ауытқыған жобалар жоқ емес.

Мемлекеттік тапсырысты жүзеге асыру барысында атқарушы құрылымдар мен мердігерлер бірқатар кедергіге кезігетінін де айтып жүр. БҚО қоғамдық кеңесі бұл бағытта…
10.01.23

ЖОСПАР ЖОБАСЫ ТАЛҚЫЛАНДЫ

Батыс Қазақстан облыстық қоғамдық кеңесінің төралқа отырысында консультативтік-кеңесші құрылымның биылғы бірінші жартыжылдыққа арналған жұмыс жоспарының жобасы жан-жақты талқыланды. Сондай-ақ, осы…
Директорға сұрақ қойыңыз
* - Талап етілетін өрістер
[contact-form-7 id="2093" title="Contact form 1 - Kz"]