2019 жылдың 19 наурызында Н.Назарбаев Қазақстан Республикасы Президенті өкілеттігін тоқтату туралы шешім қабылдады. Мемлекет басшысының міндетін атқару ҚР Парламенті сенатының төрағасы Қасым-Жомарт Тоқаевқа жүктелсе, осыдан бір жыл бұрын Президент сайлауында Қ.Тоқаев басым дауыспен жеңіске жетіп, сайланған еді.
Өтпелі аз уақытта Мемлекет басшысының терең біліміне, адамгершілік, азаматтық тұлғасына, «жеті рет өлшеп, бір рет кесетін» сабырлы мінезіне және АҚШ, Еуропа, әлемнің ірі елдерімен ағылшын тілінде, ҚХР қытай тілінде, Ресеймен орыс тілінде еркін, тең сөйлесіп, жүргізген салихалы саясатына берген бағасы, халқымыздың қалтқысыз сенімі деп білеміз.
Мемлекет басшысының түбегейлі саяси реформаны қолға алуы «Әділетті Қазақстан» құру идеясы сәтті жүзеге асып, басқару жүйесі ықпалды Парламенті бар Президенттік республика үлгісіне көшті. Елімізде «күшті Президент – ықпалды Парламент – есеп беретін Үкімет» тұжырымдамасы орныға түсуде.
Президентіміздің ең жоғары заңдық күші бар Қазақстан Республикасының Конституциясына өзгеріс енгізуі, оның үштен бірін жаңартуы өзекті бастама болды. Қазақстан байлығы халықтың меншігі деп танылуы, «Бір адам бір реттен артық Республика Президенті болып сайлана алмайды, саяси партияда болмауы тиіс», «ҚР Президентінің жақын туыстары мемлекеттік саяси қызметшілердің, квазимемлекеттік сектор субьектілері басшыларының қызметтерін атқаруға қақысы жоқ» және бір мандаттық аралас сайлау жүйесі енуіде халықтың өзі қоғам өмірін ұйымдастыруды білдіретін демократиялық тұрғыда жасалған сәтті қадам деп есептейміз.
Адам құқын сақтау, қорғау, сонымен бірге Конститутциялық Сот туралы бөлімнің қабылдануы, қоғамда әділдіктің орнауына әкеледі.
Елімізде қоғамды одан әрі жаңғыртуға бағытталған Мемлекет басшысының қоғамды өзгертуде тың бастамасының бірі әуелі ауыл әкімдері, 2023 жылдың 5 қарашасында 14 мың кандидат, оның 12 мыңы бір мандаттық округтар бойынша ұсынылып, 45 аудан және облыстық маңызы бар қалалар әкімдерін халық өзі тікелей сайлауы болды.
«Әділетті Қазақстан» құру аясында Қазақстан Республикасы Парламент Мәжілісінің жалпы отырысында қабылдаған «Заңсыз алынған активтерді мемлекетке қайтару туралы» Заңының қабылдануы халық сеніміне ие болды.
Өңірлердің экономикасын дамыту, тұрғындардың әлеуметтік, рухани жағдайын жақсарту мақсатында ашылған Жетісу, Ұлытау, Абай облыстарының ашылуы тұрғылықты адамдар ғана емес, барша қазақстандықтарға рух беріп, қуанышына айналды.
Мемлекет басшысының тапсырмасымен игерілмей жатқан немесе заңсыз берілген 8 миллион гектар жер мемлекет меншігіне қайтарылды.
2020 жылдан бері мұғалімдердің жалақысы екі есе өсті. Дәрігерлердің айлығы да айтарлықтай көбейді. Қазір олардың табысы еліміздегі орташа жалақыдан әлдеқайда жоғары. Елімізде ең төменгі жалақы осы жылы 70мың, келер жылы 85 мың көлемінде өсетін болды.
Жұртқа зейнетақы жинағының бір бөлігін пайдалану мүмкіндігі берілді. Миллионға жуық адам осы жобаның игілігін көрді – тұрғын үй мәселесін шешіп, баспаналы болды.
Президент бастамалары азаматтық қоғамның мүдделерін білдіру және республикалық және жергілікті деңгейлерде шешімдерді талқылау мен қабылдау кезінде жұртшылықтың пікірін ескеру, қоғамдық бақылауды ұйымдастыру және квазимемлекеттік сектор субъектілері қызметінің ашықтығын қамтамасыз етуде Қоғамдық кеңес жұмысынада тың серпін берді.
Сондықтан да халықтың Президентіміз Қасым-Жомарт Кемелұлы Тоқаевқа ерекше құрметпен, болашаққа нық сеніммен қарауы өте орынды деп есептеймін.
