Іс-шараны облыстық қоғамдық кеңестегі жастар мəселелері жəне қоғамдық мониторинг жөніндегі тұрақты комиссияның төрағасы Біржан Кухаев ашып, жүргізді.
Алдымен жиналғандарға облыстық қоғамдық кеңестің жұмысы жөнінде ақпарат берілді.
— Біз қоғамның кез келген өкілімен сындарлы диалогқа дайынбыз. Бүгін өздеріңіздей өрелі де белсенді жастармен жүздескеніме қуаныштымын. Бұл іс-шарадан соң жастар облыстық қоғамдық кеңестің жұмысына жиі араласып, соны серпін береді деген сенімдемін, — деді Ербол Ғұмарұлы.
Жастар ашық алаң үлгісінде өткен іс-шарада ой-пікірін еркін жеткізді. Атап айтқанда, қараусыз ит-мысықтан келетін қауіп, қоқыс полигондарын ретке келтіру, əскердегі тəртіпті қамтамасыз ету, жастармен жұмыс жөніндегі ресурстық орталықтардың өкілеттігін кеңейту, сауда орындарында заңнамалардың сақталуын қадағалау, мемлекеттік мүддеге қайшы көзқарас танытып, қасақана арандатушы тұлғаларға қатысты жауапкершілікті арттыру, стратегиялық маңызды нысандарды сенімгерлік басқаруға бермеудің заңнамалық тетіктерін енгізу, студенттік жатақханаларды талапқа сəйкестендіру, мемлекеттік əлеуметтік тапсырыстың түйткілді тұстары жəне тағы басқа тақырыпта ұсыныс-пікірлер айтылды. Облыстық қоғамдық кеңес өз құзыреті шегінде барлық мəселе бойынша тиісті жұмысты жүргізіп, атқарушы билікке нақты ұсынымдар дайындайды.
