Баршаңызды халқымыздың ең ұлы мерекесі, адам баласы мен табиғат ана қайта жаңғырып, түлейтін — әз Наурыз мейрамымен шын жүректен құттықтаймыз!
Көктің тынысын тыңдап, жердің тамырын басқан, тұрмыс-тіршілігін табиғат-анамен тығыз байланыстырған халқымыз Наурызды жаңару мен жасампаздықтың бастауы, ырыc пен берекенің арқауы, бірлік пен татулықтың үлгісі деп бағалаған.
Шуақты Наурыз мерекесінде жүректеріңізге көктем келсін! Шаңырақтарыңызға баянды бақыт, мықты денсаулық, ұзақ ғұмыр, қолға алған барлық бастама жүзеге асып, армандар орындалсын деп тілейміз!
Ұлыстың ұлы күні құтты болсын!
