ҚР Ақпарат және қоғамдық даму министрі Аида Балаева Батыс Қазақстан облыстық және Орал қалалық қоғамдық кеңестің мүшелерімен, өңірдегі үкіметтік емес ұйымдардың өкілдерімен кездесуінде осылай деді. «Қазақстан Республикасының «Қоғамдық кеңестер туралы» заңына биыл бірқатар өзгерістер мен толықтырулар енгізілді. Аталмыш консультативтік-кеңесші органның қызметін ұйымдастыру, жұмысын жетілдіру заңнамалық тұрғыда қамтамасыз етілді. Енді жер-жердегі қоғамдық кеңестер өз өкілеттігін пайдалана отырып, заң аясында жүйелі жұмыстануы қажет. Қоғамдық кеңестердің әлеуетін арттыру оның әрбір мүшесінің жеке белсенділігі мен беделіне тікелей байланысты. Сондықтан, олардың жеке рейтингін жасақтап, жұмыс істеу тиімділігін анықтап отырған да артық етпейді. Бұл – барлық қоғамдық кеңестерге қатысты», — деді Аида Ғалымқызы.
