Баршаңызды Ұлыстың ұлы күні — əз Наурызбен құттықтаймыз!
Наурыз — жаңа күн, жыл басы. Бұл — ескі жылды ой елегінен өткізіп, жарқын болашаққа жаңа қарқынмен қадам басатын жаңару мен жаңғыру күні, ел-жұрттың амандығын тілейтін, адамдар бір-біріне кешіріммен қарайтын, қазақтың дархан даласындай кеңдіктің, береке мен бірліктің, ізгілік пен мейірімнің мерекесі.
Төл мерекенің қарсаңында ел өміріндегі елеулі оқиғаны өткіздік. Өңір тұрғындары, əсіресе ауыл халқы, сайлауға селқос қарамай, айрықша белсенділік танытты. Қоғамның көзқарасы қай кезде де маңызды. Саяси доданың соңы еліміздің жаңарып-жаңғыруына, оң өзгерістерге ұласады деп үміттенеміз.
Биыл қасиетті Рамазан айы əз Наурызбен тұспа-тұс келді. Ораза тұтқан жандардың дұға-тілегі қабыл болғай! Жаңа жыл жақсылығымен келсін! Əр шаңыраққа бақыт, құт-береке тілейміз! Мал-жан аман болсын!
